ТАРТ СО ЧОКОЛАДЕН МУС

Состојки

За основата:

200 гр изблендирани Колачиња со какао и чоколадни парчиња
70 гр омекнат путер
2 лажици шеќер

За чоколадниот мус:

225 гр чоколадо за готвење исечкано на парчиња
55 гр путер
3 јајца (одвоени белките од жолчките)
55 гр шеќер во прав
375 мл слатка павлака

За декорација: чоколадни парчиња

8-10

45

Подготовка

За основата: Рерната се загрева на 175 °C. Заедно се миксираат изблендираните колачи, путерот и шеќерот додека да се добие хомогена смеса. Во кружен плех за торта од смесата се моделира основа која се пече 10 минути. Се остава да се излади комплетно.За чоколадниот мус: Во сад на пареа се растопуваат путерот и чоколадата со постојано мешање. Откако ќе се стопат, смесата се трга од оган и се мати да стане мазна. Се враќа на оган и се додаваат жолчките, една по една, матејќи. Потоа смесата се трга настрана. Во друг сад се матат белките додека да се создаде мек снег, постепено се додава половина од шеќерот и се мати додека да се добие цврст снег. Во чоколадната смеса се додаваат белките и сè се меша. Се додава половина од слатката павлака (претходно изматена) и сè се меша додека да се добие хомогена смеса. Чоколадниот мус се става врз бисквит-основата и се измазнува. Се остава во фрижидер неколку часа. Пред послужување се мати преостанатата павлака и се става врз чоколадниот тарт. Се декорира со парчиња чоколада.

Сите рецепти

ЧОКОЛАДЕН РОЛАТ СО ФИЛ ОД ТИКВА

За ролат: 100 г Екстра бело брашно тип 400 25 г какао 1 лажичка прашок за печиво 1 лажичка сол 4 јајца 150 г шеќер 2 лажици млеко 1 лажичка екстракт од ванила За фил: 200 г пире од тиква 120 г путер на собна температура 300 г шеќер во прав 1 лажичка цимет неколку […]

1250