„ПРЕВРТЕНИ“ МАФИНИ СО ЧОКОЛАДО

Во длабок сад изматете ги заедно путерот и шеќерот додека не станат пенести. Додадете ги јајцата едно по едно матејќи помеѓу секое додавање. Во друг сад, ставете ги врелата вода, какаото и инстант кафето да се соединат. Во таа смеса додајте ја киселата павлака и млекото и промешајте. Додадете го екстрактот од ванила. Брашното, прашокот за печиво и солта промешајте ги заедно. Во смесата од путерот и јајцата додадете 1/3 од брашното и 1/3 од течните состојки со какао, промешајте и постапката повторете ја уште два пати додавајќи од сувите, па од влажните состојки. Смесата распределете ја во подмачкано тавче за мафини и печете на загреана рерна од 160 степени околу 15-тина минути. Во сад на пареа растопете ги чоколадото, путерот и млекото заедно и оставете ги малку да се изладат. Превртете ги мафините, пресечете ги нараснатите делови за да може да стојат рамно и полејте ги со чоколадната смеса. Декорирајте со изматен шлаг.