ПЕЧУРКИ ВО ЛИСНАТО ТЕСТО

Најпрво замесете тесто од брашното, киселата вода и прстофат сол. Расукајте правоаголна форма од тестото и премачкајте го со половина од путерот или маргаринот. Здиплете го тестото на тој начин што ќе оформите коцка и оставете го 20 минути во замрзнувач да се стегне. Повторно расукајте го тестото во правоаголна форма дебела 1 см. Нанесете ја другата половина од маргаринот или путерот и здиплете го повторно во коцка. Оставете 20 минути во замрзнувач да одмори. За тоа време подгответе го филот со печурки. Во тава на оган со малку масло испржете ги ситно исечканиот кромид, свежите шампињони, лукот и спанаќот. Додајте сол и мешан сув зеленчук. Пред да го тргнете од оган, промешувајте константно околу 8-10 минути и додајте го сенфот и мелениот црн пипер. Тестото поделете го на два еднакви дела и расукајте ги во правоаголна форма како на фотографијата. Врз првиот дел додадете го филот кој претходно ќе го изладите. Поклопете со преостанатата кора и стиснете ги краевите со помош на виљушка. Пред печење, по желба премачкајте го со изматено јајце. Печете го ова лиснато печиво околу 20-25 минути во загреана рерна на 200 степени. Оставете 5 минути да се излади пред да го сервирате